GlobalInfo portalından əldə olunan məlumata əsasən, ain.az xəbər verir.
Estoniya ölkəyə nüvə silahı daşıyıcılarının yerləşdirilməsinə çağırıb.
Globalinfo.az xəbər verir ki, bu barədə ölkənin müdafiə naziri Hanno Pevkur Britaniyanın “Teleqraf” qəzetinə müsahibəsində danışıb.
O, Rusiyaya məxsus MiQ-31 qırıcılarının ölkəyə daxil olması ilə bağlı xəbərlərdən sonra bu təşəbbüslə çıxış edib.
“Estoniya öz ərazisində nüvə silahı daşımağa qadir olan Böyük Britaniyanın F-35A qırıcılarını yerləşdirməyə hazırdırmı” sualına nazir belə cavab verib:
“Qapımız müttəfiqlərə həmişə açıqdır”.
Qeyd edək ki, bir gün əvvəl Rusiya Müdafiə Nazirliyi döyüş təyyarələrinin Estoniyanın hava məkanını pozması ilə bağlı xəbərləri təkzib edib.
Bildirilib ki, Rusiyanın MiQ-31 təyyarələri Kareliyadan Kalininqrad vilayətindəki aerodroma planlı uçuş həyata keçirib.
Əliyar Xəlil
Globalinfo.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
