Lənkəran şəhərində yol-nəqliyyat hadisəsi baş verib. Hadisə N.Nərimanov küçəsində qeydə alınıb.
Bizim.Media xəbər verir ki, hərəkətdə olan “KIA” markalı avtomobil Lerik rayonunun Livədirgə kənd sakini, 2003-cü il təvəllüdlü Xaqani Hikmət oğlu İbadovu vurub.
Sürücü yaralını dərhal avtomobillə Lənkəran Rayon Mərkəzi Xəstəxanasına çatdırıb. O, ilkin olaraq təcili yardım şöbəsinə yerləşdirilib, vəziyyətinin ağır olması səbəbindən reanimasiya şöbəsinə köçürülüb.
Həkimlər gəncin vəziyyətini ağır qiymətləndirirlər.
Faktla bağlı araşdırma aparılır.
Sabutay, Bizim.Media, Cənub bürosu
