BAKI, 24 sentyabr. TELEQRAF
Qafan hava limanı dörd ay bağlanacaq, Qafan-İrəvan reysləri dayandırılıb.
Teleqraf xəbər verir ki, bu barədə Ermənistanın “Hraparak” qəzeti məlumat yayıb.
Rəsmi olaraq izah edilib ki, qərar təyyarə texniki cəhətdən yenidən təchiz olunması ilə bağlı verilib:
“Təyyarənin altı aylıq intensiv istismarından sonra bu, məcburi tələbdir, ikincisi, əvəzedici təyyarə yoxdur”.
Nəşrin iddiasına görə, uçuşların dayandırılması bununla bağlı deyil, Azərbaycandan gələn tələblə əlaqəlidir.
“Bəziləri hesab edirlər ki, bəlkə də bu, Ermənistan Baş naziri Nikol Paşinyanın Azərbaycan Prezidenti İlham Əliyevin təvazökarlıqla yerinə yetirdiyi növbəti tələbidir. Amma təyyarənin sahibi olan ZCMK bizi əmin etdi ki, bütün bunların Azərbaycanın tələbi ilə heç bir əlaqəsi yoxdur. Onlar qeyd ediblər ki, bu, vaxtaşırı, bir neçə aydan bir baş verən prosedurdur”.
Xatırladaq ki, ilk İrəvan-Qafan reysi iki il əvvəl, 2023-cü il avqustun 21-də həyata keçirilib.
