İranın ali dini lideri Ayətullah Əli Xamenei bildirib ki, İslam Respublikasının nüvə silahına ehtiyacı yoxdur və onu istehsal etmək niyyətində deyillər.
Vətəninfo.az xəbər verir ki, Xamenei bildirib, “Bu gün bizdə uranın zənginləşdirilməsi yüksək səviyyədədir. Təbii ki, nüvə silahı hazırlamaq istəyən ölkələr bunu 90%-ə çatdırıb. Silahlara ehtiyacımız olmadığından və ondan imtina etmək qərarına gəldiyimiz üçün biz onu o qədər də artırmadıq. Biz bunu 60%-ə çatdırdıq, bu, çox yüksək rəqəmdir, çox yaxşı rəqəmdir, İran xalqının üzləşdiyi bəzi problemlərin həlli üçün lazımdır”, – deyə bildirib.
Xamneyinin sözlərinə görə, İran hazırda nüvə silahı istehsal etmək qabiliyyətinə malik 10 ölkədən biridir. Digər doqquz ölkənin arsenalında nüvə bombası olsa da, “İranın bunlara malik olmadığı və heç vaxt olmayacaq”, o əlavə edib.
