İranın Ali Milli Təhlükəsizlik Şurasının katibi Əli Laricani ABŞ-nin İran raketlərinin məsafəsini məhdudlaşdırmaq şərtini rədd edib.
Bu barədə "Azad İran" "Telegram" kanalı xəbər verib.
O bildirib ki, ABŞ-nin İranla danışıqlar zamanı təklif etdiyi şərtlərdən biri raketlərin uçuş məsafəsini 500 kilometrdən aşağı salmaqdır.
"İranın təkidi əsassız deyil. Raketlərin məsafəsini 500 kilometrdən aşağı məhdudlaşdırmaq, ölkəmizin İsrailə qarşı müdafiə imkanlarından imtina etməsi deməkdir. Hər hansı ləyaqət hissinə sahib iranlı belə bir məhdudiyyətlə razılaşa bilməz. Milli təhlükəsizlik heç bir müzakirəyə açıq mövzu deyil", - deyə o bəyan edib.
