Sankt-Peterburq məhkəməsi tərəfindən gömrük rüsumunu ödəmədiyi üçün axtarışda olan Rosreestr və Rosimuşçestvo regional idarələrinin keçmiş məmuru Boris Avaqyan Ermənistan Baş Konsulluğunun tualetində ölü tapılıb.
Paytaxt.org xəbər verir ki, məhkəmə hökm çıxarmaq üçün fasilə elan edərkən Avaqyan siqaret çəkməyə çıxmaq bəhanəsi ilə məhkəmə zalını tərk edib.
Həmin vaxtdan o, Ermənistanın Sankt-Peterburqdakı Baş Konsulluğunun ərazisində gizlənib.Onun meyiti tualetdən,qan içəriisndə tapılıb.
Erməni KİV-lərinin məlumatına görə, Avaqyan 2021-ci ilin aprel ayına kimi qondarma “Dağlıq Qarabağ prezidentinin xüsusi tapşırıqlar üzrə nümayəndəsi” və "Qarabağ Daxili İşlər Nazirli"yinin Dövlət Fövqəladə Hallar Xidmətinin direktor müavini vəzifələrində çalışıb.
2018-ci ilin yayında o, Ermənistanda siyasi karyera qurmaq niyyəti ilə əlaqədar Rusiya vətəndaşlığından imtina etmək üçün ərizə verib.
