Ukrayna ordusu Krımda Rusiyaya məxsus iki “An-26” təyyarəsini yandırıb.
Reyting.az xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsi (GUR) məlumat yayıb.
“GUR-un xüsusi təyinatlı “Kabuslar” bölməsinin mütəxəssisləri müvəqqəti işğal olunmuş Krım ərazisində düşmənin yüksək dəyərli hədəflərini məhv etməkdə davam edir”, - deyə GUR-dan bildiriblər.
Kəşfiyyat mənbələrinin məlumatına görə, yarımadada reyd zamanı xüsusi təyinatlılar “An-26” nəqliyyat təyyarəsindən ikisini yandırıblar. Yerüstü radar və “MR-10M1 Mys M1” sahil radarı da zədələnib.
GUR əlavə edib ki, Krımda işğalçı orduya verilən bu itkilər Ukrayna Silahlı Qüvvələri Baş Qərargahının sentyabrın 24-nə olan hesabatında qeyd olunub.
Ukrayna tərəfi “An-26”-ların yandığını göstərən video da yayımlayıb.
ELÇİN
