MediaCat və Ipsos tərəfindən aparılan Celebrity Trust Index-in 2025-ci il nəticələri açıqlanıb.
Musavat.com Türkiyə mətbuatına istinadən xəbər verir ki, məşhurların məhsul və xidmət tövsiyələrinə inam 2017-ci ildəki 28,8 faizdən 2025-ci ildə 39,3 faizə yüksəlib. Etibarlılıq reytinqi də 31,2 faizdən 40,3 faizə yüksəlib. Araşdırmada vurğulanıb ki, sosial mediada səssiz qalan məşhurlar ictimai rəydə mövqelərini itirirlər.
İlk 20-likdə yer alan 15 məşhurun orta hesabla 5 xal geriləməsi ilə birinci yer dəyişməz qalıb. 12 vilayətdə 1000 nəfərin iştirakı ilə keçirilən onlayn sorğuya əsasən, Haluk Levent ardıcıl altıncı ildir ki, öz mövqeyini qoruyub saxlayaraq Türkiyənin ən güvənilən məşhuru seçilib.
Haluk Leventdən sonra Kənan İmirzalıoğlu və Müge Anlı da siyahıdakı yerlərini qoruyublar. Kənan İmirzalıoğlu ikinci, Müge Anlı isə üçüncü olub. Onları Şener Şen, Ali Sunal, Murat Yıldırım, Tarkan, Haluk Bilginer, Tolga Çevik, Beyazıt Öztürk, Aras Bulut İynemli, Kıvanç Tatlıtuğ, Demet Akbağ, İlker Ayrık və Demet Evqar izləyib.
Bu il Kanal D-nin yeni serialı "Güller ve Günahlar"a çəkilməyə hazırlaşan Murat Yıldırım da siyahıya düşüb. Onun Cemre Baysel ilə birlikdə rol alacağı maraqla gözlənilən serial 7-ci olub.
Murat Yıldırımla yanaşı, Ali Sunal, Tolqa Çevik, Demet Evqar və Tolqa Sarıtaş da ilk dəfə "ən güvənilən məşhurlar" siyahısına düşüb. Tarkan 13-cü pillədən 8-ci yerə yüksələrək güvən indeksində heç bir xal itirməyən yeganə sənətçi olub.
Könül,
Musavat.com
