BAKI, 26 sentyabr. TELEQRAF
Qərb müttəfiqlərinin Rusiyanın hava məkanını pozmasına etiraz bəyanatları Kremli dayandıra bilməz, yalnız real cavablar təxribatların qarşısını ala bilər.
Teleqraf xəbər verir ki, bunu “Ukrinform”a açıqlamasında alman politoloq, Kinq Kollecinin professoru, təhlükəsizlik üzrə ekspert Peter Neumann deyib.
Ekspert NATO-nun Polşa, Rumıniya, Estoniya, Danimarka və sairə qarşı son təxribatlara reaksiyasını “uğur” adlandıranlarla razılaşmır.
"Əgər biz birgə bəyannaməni uğurlu hesab etsək, deməli, bu, həqiqətən də uğurdur. Amma mən düşünmürəm ki, Vladimir Putin Avropanın bəyanatlarını təhlükə hesab edir. Ona görə də bu, real, əhəmiyyətli reaksiya olmalıdır. Əks halda, bu, sadəcə, bəyanatdırsa, o hətta Rusiyanı daha böyük səylər göstərməyə təşviq edir", - Neumann qeyd edib.
Onun fikrincə, “son reaksiya” sərhədləri pozan hava hədəfini, xüsusən də bir təyyarəni vurmaqla ola bilər. Ən azından bunun baş verəcəyi təhlükəsi olmalıdır, çünki başqa reaksiya Rusiyanı çəkindirə bilməz. Politoloq əmindir ki, avropalılar son nəticədə başa düşməlidirlər ki, Rusiya onları sınaqdan keçirir. Rusiyaya sərt reaksiya verilməsə , “daha da irəli gedəcək”, Ukrayna ilə məhdudlaşmayacaq, digər Avropa ölkələrinə də müdaxilə edəcək.
Bununla belə, Neumann etiraf edir ki, bəzi Avropa ölkələrində hələ də eskalasiyanın ciddi qorxusu var. Amma təxribatlar davam edərsə və bu, real işıqların kəsilməsi və ya məsələn, Rusiyanın hərəkətləri səbəbindən Avropa üzərində təyyarə qəzası kimi mühüm nəticələrə gətirib çıxararsa, o zaman cavab olacaq.
“Təəssüf ki, o vaxta qədər güclü reaksiya olacağını düşünmürəm, bu, çox pisdir”, - o əlavə edib.
