“Euro-Atlantic Partnership Council Of Azerbaijanis” – EAPCA-nın təşkilatçılığı ilə 44 günlük Vətən müharibəsinin 5-ci ildönümünə həsr olunmuş Anım günü adlı beynəlxalq konfrans onlayn formatda keçirilib.
Vətəninfo.az xəbər verir ki, konfransda Azərbaycan Respublikası Milli Məclisin deputatı Tənzilə Rüstəmxanlı, parlamentin sədr müavini, millət vəkili Musa Qasımlı, Elman Nəsirov, və Yeni Azərbaycan Partiyasının (YAP) Qaradağ rayon təşkilatının sədri Qafar Əliyev iştirak ediblər.
Konfransa EAPCA Baş katibi Sahil Qasımov, təşkilatın Bakıda fəaliyyət göstərən Daimi Nümayəndəliyinin rəhbəri Rauf Zeyni, İdarə Heyətinin üzvləri – Helsinkidən məsul katib Arzu Oktay, İsveçdən Nadir Hollenbrand, Almaniyadan Müşfiq Sultanov, Ukrayna Birləşmiş Konqresinin prezidenti Rövşən Tağıyev, Belarus Konqresinin prezidenti Natiq Bağırov, Belçika üzrə nümayəndə Çingiz Həsənov, Azərbaycan Mətbuat Şurası İdarə Heyətinin üzvü. “Yeni Çağ” Media Qrupunun rəhbəri Aqil Ələsgər, “Azərbaycanlıların və digər Türkdilli Xalqların Əməkdaşlıq Mərkəzi” İctimai Birliyinin (ATXƏM) sədri İlham İsmayılov, protokol rəhbəri Zamiq Yunisov, gənclərdən Rüzgar Qasımov, eləcə də müxtəlif qeyri-hökumət təşkilatlarının təmsilçiləri qatılıblar.
