1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ Kolumbiya Prezidenti Qustavo Petronun ABŞ əsgərlərinə çağırışları səbəbindən vizasını ləğv etmək qərarına gəlib.
Oxu.Az-ın məlumatına görə, bu barədə ABŞ Dövlət Departamenti "X" sosial media səhifəsində məlumat verib.
Məlumatda bildirilib ki, Petro Nyu-York küçələrinə çıxıb və hərbçiləri əmrlərə tabe olmamağa, zorakılığa təhrik etməyə çağırışlar edib.
"Biz Petronun məntiqsiz və qızışdırıcı hərəkətlərinə görə onun vizasını ləğv edəcəyik", - deyə ABŞ Dövlət Departamenti yazıb.
Bundan əvvəl isə Qustavo Petro bəyan etmişdi ki, ABŞ miqrantların hüquqlarına hörmət etmək niyyətində olmadığı üçün Azadlıq heykəlini Nyu-Yorkdan Kolumbiyanın Kartaxena şəhərinə köçürmək lazımdır. Petro həmçinin Prezident Donald Trampın rəhbərlik etdiyi hazırkı ABŞ Administrasiyasının immiqrasiya siyasətini də tənqid edib.
