Keçmiş vitse-prezident hələ də özünü Demokrat Partiyasının lideri olaraq görür...
Poliqon xəbər verir ki, keçmiş ABŞ vitse-prezidenti Kamala Harris The Wall Street Journal-a verdiyi müsahibədə hələ də Demokrat Partiyasının lideri olduğunu bildirib və 2028-ci il prezident seçkilərində iştirak etmə imkanını tam istisna etməyib.
Harrisin yeni kitabı “107 gün”, 2024-cü il seçki kampaniyasına həsr olunub və bu kitab Demokratlar arasında onun siyasi gələcəyi barədə müzakirələrə səbəb olub: bəzi dairələr kitabı onun siyasətə qeyri-ənənəvi dönüşünün başlanğıcı kimi, digərləri isə siyasətdən tam çəkilməsinin işarəsi kimi qiymətləndirirlər.
Keçmiş vitse-prezident müsahibəsində həm siyasətə qayıtmaq, həm də tam uzaqlaşmaq planlarını rədd edib. Siyasi gələcəyi barədə konkret qərar vermə vaxtı ilə bağlı suallara isə ətraflı cavab verməyib. Harris vurğulayıb ki, hələ də partiyanın lideri olduğunu hesab edir:
“Mən Demokrat Partiyasının prezident namizədi idim. Mən qələbəyə yaxın olmuşdum. Əlbəttə, hələ də qələbəyə yaxınam”, deyə Harris bildirib.
Poliqon.info
