futbolpress-az portalından verilən məlumata əsasən, ain.az bildirir.
Azərbaycan Premyer Liqasının VI turunun “Turan Tovuz” – “Kəpəz” matçından (3:0) sonra meydamn sahibi komandanın baş məşqçisi Kurban Berdiyev jurnalistlərin suallarını cavablandırıb.
Futbolpress.az xəbər verir ki, mütəxəssis əvvəlcə oyun və nəticəsi barədə fikirlərini bölüşüb:
“Düşünürəm ki, uşaqlar oyuna yaxşı köklənmişdilər, intizamla, kobud səhvsiz oynadılar. Ümumən, qələbəyə layiq idilər”.
– Öz doğma mövqeyində oynamayan Faiq Hacıyevin bugünkü oyununu necə qiymətləndirirsiniz?
– Faiq ümumən yaxşı oynadı. Təəssüf ki, Enrike bugünkü oyunda zədə aldı, amma Faiqin oyunundan razıyam.
-Vadji əsas heyətdə niyə möhkəmlənə bilmir?
– Vadji dünən xəstə idi deyə məşq eləməmişdi. O, əsas heyətdə oynamağa hazırdır, amma dediyim kimi təəssüf ki, dünənki məşqi buraxdı.
– Komandanız liderliyə yüksəldi. İndiki durumda futbolçularınızdan razısız?
– Digər komandalarda olduğu kimi bizdə də müəyyən məsələlər var. Biz də digər komandalarla mübarizə aparacağıq. Vaxt var. Çalışmağa davam edəcəyik.
– Bu gün Faiq Hacıyevın cinahında Xorxe Silva oynadı, yaxşı da performans göstərdi. Faiqi qarşıdakı turlarda ehtiyat skamyada görə bilərikmi?
– Bizdə kim güclüdürsə, o da oynayacaq. Şükür Allaha hazırda komandamız yaxşıdır. Oyunçularımız kifayət qədər var. Kim yaxşı olacaqsa, o da meydana çıxacaq.
Şahlar Ruhi
Ən son xəbərləri və yenilikləri almaq üçün ain.az saytını izləyin.
