Gəncə və Azərbaycanın daha 6 şəhərində bu gündən start götürən III MDB Oyunları ilə əlaqədar Daxili İşlər Nazirliyi tərəfindən təhlükəsizlik tədbirləri təmin olunur.
APA xəbər verir ki, bu haqda Daxili İşlər Nazirliyinin Mətbuat Xidməti məlumat yayıb.
Bildirilib ki, polis əməkdaşları və Daxili Qoşunların hərbi qulluqçuları ictimai qaydanın qorunması və təhlükəsizliyin təmin edilməsi məqsədilə birgə naryad qrupları şəklində xidmət aparırlar.
Oyunların keçirildiyi bütün ünvan və ərazilər nəzarətə götürülüb, asayişin təmin olunması istiqamətində zəruri tədbirlər görülür.
