MSK: 650 məntəqənin bülletenləri emal edildikdən sonra “Hərəkət və Həmrəylik” Partiyası 40% səs toplayaraq Vətənpərvər Bloku hakim partiyadan 9% geridə qalır...
Poliqon xəbər verir ki, Moldovada keçirilən parlament seçkilərinin nəticələri mərhələli şəkildə açıqlanır və hazırkı məlumatlara görə, prezident Mayya Sandunun rəhbərlik etdiyi “Hərəkət və Həmrəylik” Partiyası mövqeyini daha da gücləndirib. Mərkəzi Seçki Komissiyasının (MSK) açıqlamasına əsasən, artıq 650 seçki məntəqəsinin bülletenləri emal olunub və nəticələr iqtidar partiyasının 40 faiz dəstəklə öndə olduğunu göstərir.
Eyni zamanda, əsas rəqiblərdən olan müxalif Vətənpərvər Blok 31 faizə yaxın səs toplayaraq ikinci yerdə qərarlaşıb. Beləliklə, iqtidar partiyası rəqibindən təxminən 9 faiz irəlidədir. İlkin nəticələr seçki marafonunun gedişatında hakim qüvvənin ciddi üstünlük əldə etdiyini göstərir.
Analitiklər hesab edirlər ki, bu göstəricilər seçicilərin Avropa İttifaqı ilə yaxınlaşma siyasətinə dəstəyini nümayiş etdirir. Sandunun partiyası ötən illərdə islahatlar, korrupsiyaya qarşı mübarizə və Avropa inteqrasiyası istiqamətində proqramlarla çıxış edib və bunun da nəticələrə təsir etdiyi vurğulanır.
Bununla belə, seçkilərin yekun nəticələri hələ açıqlanmayıb. MSK yaxın günlərdə daha çox məntəqənin protokollarını emal etdikcə, rəqəmlərin dəyişməsi istisna olunmur. Seçkilərin nəticəsi həm parlamentdə qüvvələr nisbətini, həm də ölkənin gələcək siyasi kursunu müəyyən edəcək.
Poliqon.info
