ABŞ prezidenti Donald Tramp İsrailin baş naziri Benyamin Netanyahu ilə görüşdə Qəzza razılaşmasını yekunlaşdırmaq niyyətində olduğunu bildirib.
Doğru.az xəbər verir ki, Tramp bazar günü çıxışı zamanı Qəzzada müharibəyə son qoymaq üçün razılaşmanın əldə olunacağına nikbin yanaşdığını vurğulayıb. Onun sözlərinə görə, “Yaxın Şərqdə böyüklük üçün real şans var”.
Xatırladaq ki, Tramp daha əvvəl İsrailin İordan çayının qərb sahilini ilhaq etməsinə “icazə verməyəcəyini” bəyan etmişdi. O, həmçinin Qəzzadakı mövcud vəziyyəti “öhdəsindən gəlmək lazım olan fəlakət” adlandırıb.
DOĞRU.AZ
