ABŞ-ın Miçiqan ştatındakı kilsədə silahlı hücum nəticəsində, ilkin məlumatlara görə, 4 nəfər ölüb, daha 8 nəfər yaralanıb.
Bu barədə polisin açıqlamasında bildirilir.
Yerli polis hücumun Qrand Blank şəhər kilsəsində baş verdiyini bildirib.
Hüquq-mühafizə orqanlarının məlumatına görə, 40 yaşlı şəxs avtomobillə kilsənin qapısına yaxınlaşıb və atəş açıb.
Hadisədən sonra kilsədə yanğın baş verib.
Hücum edən şəxsin iki polis tərəfindən məhv edildiyi bildirilib.
