Ukraynanın gənclər və idman naziri Matvey Bednı ölkədən gənclərin axınını mövsümlə əlaqələndirib. Onun sözlərinə görə, dərslər sentyabrda başlayır və “əmək miqrasiyası artır”.
“İki sahil” xəbər verir ki, bu barədə "STRANA.ua" məlumat yayıb.
Nazir telemarafonda deyib: "Biz gənclərin kritik axını müşahidə etmirik. Bu, daha çox mövsümi bir hadisədir: məktəblər sentyabrda başlayır, məzuniyyətlər başa çatır və əmək miqrasiyası artır".
Ukraynada işəgötürənlər 18-22 yaşlı gənclərin “sərhədlər açıldıqdan sonra ölkəni kütləvi şəkildə tərk etdiklərini” iddia edirlər.
