.jpg)
Olaylar.az xəbər verir ki, bu barədə The Wall Street Journal (WSJ) mənbələrə istinadən məlumat yayıb.
Nəşrin məlumatına görə, "ən çox tələb olunan, kritik əhəmiyyətli silahların istehsalının sürətləndirilməsi" məsələsi Pentaqon rəhbərliyi ilə ABŞ-nin iri raket istehsalçıları arasında keçirilən bir sıra görüşlərdə müzakirə olunub. Söhbət ABŞ-nin ehtiyatda saxlamaq istədiyi 12 adda silahdan gedir. Onların arasında Patriot zenit-raket kompleksi, uzaqmənzilli gəmiəleyhinə raketlər, SM-6 zenit raketləri, Precision Strike raketləri və AGM-158 JASSM raketləri var.
Pentaqon rəsmisi Şon Parnell bildirib ki, ABŞ rəhbərliyi "hərbi gücü artırmaq və texnikanın istehsalını sürətləndirmək üçün qeyri-adi yollar" nəzərdən keçirir. Bununla belə, administrasiya və müdafiə sənayesində bir sıra şəxslər hökumətin qarşıya qoyduğu hədəfləri real hesab etmir. Qeyd olunur ki, bəzi raketlərin yığılması iki ilə qədər vaxt aparır.
Maliyyələşdirmə ilə bağlı da suallar mövcuddur. ABŞ administrasiyası tərəfindən iyulda təsdiqlənən qanun layihəsi yaxın beş il ərzində silah istehsalına əlavə 25 milyard dollar ayırmağı nəzərdə tutur. Lakin analitiklərin fikrincə, Pentaqonun bu iddialı hədəflərinə çatmaq onlarla milyard dollar daha baha başa gələ bilər.
