Sentyabrın 29-da alimlərin proqnozlaşdırdıqları zəif geomaqnit qasırğası başlayıb...
Oxu.Az bildirir ki, bu barədə TASS-a Rusiyanın Tətbiqi Geofizika İnstitutundan məlumat veriblər.
Məlumata görə, Yerin maqnit sahəsinin qasırğa dərəcəsi G1 səviyyəsindədir.
Bu isə zəif səviyyə hesab olunur. Esktremal güclü səviyyə G5-dir.
***
Günəşdə "M" sinfinə aid gün ərzində üçüncü güclü partlayış baş verib.
Oxu.Az-ın xəbərinə görə, bu barədə TASS-a Rusiyanın Tətbiqi Geofizika İnstitutundan bildirilib.
"Sentyabrın 29-da Bakı vaxtı ilə saat 15:39-da 4236-cı (N11E33) günəş ləkələri qrupunda rentgen diapazonunda 33 dəqiqə davam edən M1.1 partlayışı qeydə alınıb", - deyə məlumatda qeyd olunub.
Daha əvvəl Günəşdə M1.1 və M3.6 partlayışlarının baş verdiyi bildirilmişdi.
Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyası və Günəş Yer Fizikası İnstitutunun proqnozuna əsasən, sentyabrın 29-da Yer üçün potensial risklər olan yüksək partlayış aktivliyi gözlənilir.
***
Bazar ertəsi, sentyabrın 29-da Günəşin aktivliyi yüksək olacaq və bu, Yer kürəsi üçün risklər yaradacaq.
Oxu.Az-ın xəbərinə görə, bu barədə Rusiya Elmlər Akademiyası Kosmik Tədqiqatlar İnstitutunun Günəş Astronomiya Laboratoriyasının "Telegram" kanalında məlumat verilib.
"Sutkalıq proqnoz: geomaqnit şərait - zəif pozulmalar mümkündür, aktivlik - yüksək, artan, Yer üçün əhəmiyyətli risklər mövcuddur", - deyə məlumatda bildirilib.
Qeyd olunub ki, son sutka ərzində geomaqnit şərait sakit olub, partlayış ehtimalı isə yüksək olub, Yer üçün məhdud risklər var.
Xatırladaq ki, sentyabrın 28-də Günəşdə son üç ayın ən böyük partlayışı baş verib.
Poliqon.info
