Ukrayna prezidenti Volodimir Zelenski rusiyalı həmkarı Vladimir Putini və Belarus prezidenti Aleksandr Lukaşenkonu “qoca babalar” adlandırıb.
"Unikal" xəbər verir ki, Zelenski bunu Belarus prezidentinin daha əvvəl onunla danışmaq istədiyini və "Ukrayna üçün yaxşı təklifi" hazırladığını deməsindən sonra bildirib.
"O, dünyasını bu şəkildə qurub, özünü hər şeydən təcrid edib. O, tikdiyi bu evdə 30 ildir yaşayır. Bu ev bir ölkə boydadır. Amma mən onun ölkəsinin müstəqil olduğunu xatırlamasını istəyirəm. O, öz aləmindədir, amma Putin hərdən ora gəlir, iki qoca baba kimi söhbət edirlər. Şərh vermək çətindir", - deyə Zelenski Lukaşenkonun sözlərinə reaksiya verib.
