HƏMAS ABŞ-ın Qəzza münaqişəsinin həlli planına bir neçə gündən tez cavab verməyəcək.
Musavat.com xəbər verir ki, məlumatı “Politico” mənbəyə istinadən yayıb. Bildirilir ki, HƏMAS ABŞ-ın təklifini Misir və Qətər nümayəndələrindən alıb. Hərəkat cavab verməzdən əvvəl onu diqqətlə öyrənəcəyini vəd edib.
Bundan əvvəl Ağ Ev Qəzza münaqişəsinin həlli planını dərc edib. O, hərbi əməliyyatların tamamilə dayandırılmasını və HƏMAS-ın əlində olan girovların 72 saat ərzində azad edilməsini nəzərdə tutur. Bundan başqa, sənəd Qəzza zolağının keçid dövrü üçün xarici idarəetməyə verilməsini təklif edir. Anklav sakinlərinə həm gediş, həm də geri qayıtmaq imkanı yaradılacaq.
Vaşinqtonda Donald Trampla keçirdiyi mətbuat konfransında İsrailin baş naziri Benyamin Netanyahu ABŞ prezidentinin Qəzzada hərbi əməliyyatlara son qoymaq planını dəstəklədiyini açıqlayıb, lakin qeyd edib ki, HƏMAS bu təklifi rədd edərsə və ya sabotaj edərsə, yəhudi dövləti “işi özü bitirəcək”.
Musavat.com
