Danimarkada bəzi vətəndaşlar təcili olaraq hərbi xidmətə çağrılırlar.
Reyting.az xəbər verir ki, bu barədəməlumatı “TV 2” əldə etdiyi məxfi çağırış sənədinə əsasən yayıb.
Çağırış Danimarka hava məkanında pilotsuz təyyarələrin vəziyyətinə istinad etməklə həyata keçirilir.
Sənəddə deyilir ki, əsgərlər “mümkün qədər tez” xidmətə gəlməlidirlər. Ancaq çağırışın dəqiq miqyası məlum deyil.
Miqyasından asılı olmayaraq, belə təcili çağırışlar son dərəcə qeyri-adidir.
Təhlükəsizlik müşaviri və Müdafiə Kəşfiyyat Xidmətinin keçmiş baş analitiki Yakob Karsbo bildirib ki, bu, tamamilə müstəsna vəziyyəti göstərir: “Ona görə də belə müstəsna tədbirlər görülür. Daha əvvəl belə bir şey eşitdiyimi xatırlamıram”.
Danimarka ordusunda mövcudehtiyatda olanların sayı ilə bağlı dəqiq rəsmi rəqəmlər yoxdur, lakin 2013-cü ildə Danimarka Ehtiyat Kadrlar İdarəsi onların sayını təxminən 3000 əsgər olaraq qiymətləndirdi.
V. QULİYEV
