“İdeal” Mağazalar Şəbəkəsinin (indiki “Adore”) keçmiş sahibi İlqar İsmayılov azadlığa çıxandan sonra ilk dəfə ictimaiyyət arasında görünüb.
"Cebheinfo.az" xəbər verir ki, “Qafqazinfo”nun əməkdaşı hazırda şərti cəza çəkən İsmayılovla söhbətləşib.
İ.İsmayılov deyib ki, daha çox istirahətə vaxt ayırır, bundan sonra da cinayət işi ilə bağlı hər hansı məhkəmə müstəvisində iş aparmaq niyyətində deyil:
“Vəziyyətim yaxşıdır. Əvvəlki məsələlərlə bağlı mübarizə aparmaq fikrim də yoxdur. Bir az quru təmizləmə işlərim var, onunla məşğulam. Allah hər kəsin köməyi olsun”.
Qeyd edək ki, İlqar İsmayılov 2021-ci ildə külli miqdarda mənimsəmədə təqsirləndirilərək həbs edilmişdi. İsmayılov iki ay əvvəl cəzasının yarıdan çoxunu çəkməsi əsası ilə şərti azadlığa buraxılıb.
"Cebheinfo.az"
