1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Ukraynanın Rusiya tərəfindən intensiv bombalandığı yaşayış məntəqələrindən biri də Donetsk vilayətində Konstantinovka şəhəridir.
Oxu.Az xəbər verir ki, "Report"un əməkdaşı ilə söhbətində Ukrayna Polisinin "Ağ mələklər" qrupunun rəisi, mayor Gennadi Yudin bildirib ki, Konstantinovka artıq döyüş meydanıdır.
Onun sözlərinə görə, şəhər intensiv bombalanır:
"Hazırda şəhərdə 5 900 nəfərə yaxın insan qalıb. Döyüşlərə qədər şəhərin 70 min əhalisi olub".
G.Yudin bildirib ki, bu ilin ilk altı ayı ərzində bölməsi tərəfindən 4 000 insan təxliyə edilib ki, onlardan 2 000-i uşaqdır.
