Frankfurt “Ayntraxt”ının baş məşqçisi Klaus Topmöller UEFA Çempionlar Liqasının ikinci turunda keçiriləcək “Atletiko” ilə oyun öncəsi fikirlərini bölüşüb.
Sportinfo.az UEFA-nın mətbuat xidmətinə istinadən xəbər verir ki, almaniyalı çalışdırıcı “Atletiko”nun güclü hücum xəttinin olduğunu bildirib:
“Biz bilirik ki, autsayderik. “Atletiko”nun güclü hücum xətti və yüksək səviyyəli oyunçuları var.
Yaxşı müdafiə olunmalı və komanda şəklində hücum etməliyik. Rəqibin müdafiəsi də inanılmaz dərəcədə etibarlıdır”.
Topmöller əlavə edib ki, komandası yalnız güclü müdafiə oyunu nümayiş etdirəcəyi halda şans qazana bilər.
Çempionlar Liqasının ilk turunda “Atletiko” səfərdə “Liverpul”a 2:3 hesabı ilə uduzub, “Ayntraxt” isə evdə “Qalatasaray”a qalib gəlib (5:1).
“Atletiko” – “Ayntraxt” matçı bu gün saat 23:00-da start götürəcək.
“Ayntraxt” “Qarabağ”ın UEFA Çempionlar Liqasındakı rəqiblərindən biridir.
