“Rusiya ilə sıx təmaslar və bu ölkənin neftinin satışından əldə olunan milyardlar Adnan Əhmədzadənin Azərbaycana qarşı geostrateji silah kimi istifadə olunmasına, sanki anti-Azərbaycan casusu kimi yetişdirilməsi ilə tamamlanıb”.
Bu faktlar Musavat.com tərəfindən yayımlanan analitik məqalədə yer alıb.
Məqalədə qeyd olunur ki, Rusiya kəşfiyyatının təsiri altında trans-milli iqtisadi cinayətkar şəbəkənin fəal üzvünə çevrilmiş Əhmədzadə pul və sərvət, lüks həyat, dəbdəbəli rifah və gözqamaşdıran karyera naminə Azərbaycana xəyanət edib. Onun bu xəyanəti qlobal bazarda ən keyfiyyətli və yüksəl alıcı bazası toplamış “Azeri Light” neftinin və Azərbaycan neft sənayesinin etibarlılığına və bazar şəffaflığına kölgə salıb.
Bu fraqmentasiyalar nəticəsində “Azeri Light” markalı neftin qiymətinin 75 dollardan 68,31 dollara düşüb. Bu, bir barel üçün 6,69 dollar azalma deməkdir. Nəticədə Azərbaycanın ixrac gəlirləri 2,01 milyard dollar azalaraq ölkənin ÜDM-nin təxminən 0,9 faizini təşkil edib.
Musavat.com
