Hollivudun ən sevilən ulduzlarından biri olan Cennifer Eniston əyləncə jurnallarından birində karyerası və gələcək planları haqqında danışıb.
KONKRET.az xəbər verir ki, uzun illər həm televiziyada, həm də filmlərdə uğurlu layihələrə imza atan Eniston müsahibəsində keçmiş rolları ilə bağlı xatirələrini bölüşüb, gələcəkdə iştirak etmək istədiyi layihələrlə bağlı da ipucları verib.
“Ən böyük motivasiyam hələ də tamaşaçılarla əlaqə qurmaqdır”, – deyən Eniston, keçmişdə, xüsusən də “Dostlar” serialı ilə əldə etdiyi böyük uğurun həyatında mühüm rol oynadığını qeyd edib.
Eyni zamanda, Eniston, önümüzdəki illərdə, xüsusilə prodüserlik və bəlkə də rejissorluqda daha aktiv olmaq istədiyini bildirib.
Dəniz Pənahova
KONKRET.az
