Azpolitika.az saytından verilən məlumata əsasən, ain.az məlumatı açıqlayır.
“Tesla” şirkətinin rəhbəri İlon Mask, şəxsi sərvətini 500,1 milyard dollara çatdıraraq dünyanın yarım trilyon dollardan çox sərvətə sahib ilk şəxsi olub.
Onun sərvətindəki artım əsasən “Tesla” səhmlərinin yüksəlməsi ilə bağlıdır.
"Forbes" milyarderlər indeksinə görə, İlon Mask-ın sərvəti 1 oktyabrda qısa müddətə 500,1 milyard dollara çatıb, daha sonra isə 499 milyard dollar ətrafında qərarlaşıb. Son aylarda “Tesla” ilə yanaşı, İlon Maskın süni intellekt startapı xAI və kosmik şirkəti SpaceX də dəyər qazanıb. Bu nailiyyət İlon Maskın texnologiya sahəsində rəqiblərini geridə qoyaraq dünyanın ən varlı adamı statusunu möhkəmləndirib.
İlon Maskın sərvəti bu il 20%-dən çox bahalaşan “Tesla” səhmlərindəki 12%-lik payı ilə birbaşa bağlıdır. Şirkətin səhmləri 1 oktyabr ticarət gününün sonunda 3,3% artıb.
“Tesla” İdarə Heyətinin sədri Robin Denholm sentyabrda bildirib ki, İlon Mask artıq avtomobil istehsalçısında “ön sırada və mərkəzdə”dir. Şirkət rəhbərliyi həmçinin açıqlayıb ki, İlon Mask qarşıdakı 10 ildə bir sıra hədəflərə çatarsa, 1 trilyon dollardan çox ödəniş paketi ala bilər. Bunun üçün “Tesla”nın dəyərinin 8 dəfə artması, 1 milyon süni intellektli robot və əlavə 12 milyon avtomobil satılması nəzərdə tutulur.
"AzPolitika.info"
Sonrakı hadisələr barədə daha çox məlumat almaq üçün ain.az saytını izləyin.
