Fransada hökumətin planlaşdırdığı büdcə ixtisarlarına etiraz olaraq ölkə üzrə 240-dan çox məkanda aksiyalar və tətillər keçiriləcək.
News365.az xəbər verir ki, həmkarlar ittifaqları Emmanuel Makron hökumətindən sosial xərclərin azaldılmasına son qoymağı, dövlət xidmətlərinə daha çox vəsait ayırmağı və varlılardan əlavə vergi tutulmasını tələb edirlər.
Eyni zamanda, etirazçılar pensiya sistemində edilən dəyişikliklərin də ləğv olunmasını istəyirlər. CGT-nin Baş katibi Sofi Bine bildirib ki, yeni hökumətin tərkibi və büdcə siyasəti diqqətlə izlənəcək:
“Əgər büdcədə kəsintilər və ya ixtisarlar olarsa, biz buna heç vaxt razı olmayacağıq,” – deyə o, vurğulayıb.
Fransa avrozonada Almaniyadan sonra ikinci ən böyük iqtisadiyyat hesab edilsə də, sosial narazılıqlar ölkədə gərginliyi artırmaqdadır.
News365.az
