ain.az xəbər verir, Apa.az saytına əsaslanaraq.
İsrailin Qəzzaya humanitar yardım aparan Qlobal Sumud Donanmasına hücumu zamanı Təl-Əviv hökuməti tərəfindən saxlanılan türk fəalların sayı 48-ə çatıb.
APA-nın Türkiyə bürosu xəbər verir ki, bu barədə Qlobal Sumud Donanmasının Türkiyə Nümayəndəliyi məlumat yayıb.
Nümayəndəlikdən paylaşılan siyahıda saxlanılan şəxslərin adları, mindikləri gəmi və qayıqların adları da açıqlanıb.
***
07:14
İsrail hərbçiləri Qəzza zolağı sahillərinə fələstinlilər üçün humanitar yardım aparan Sumud Donanmasının 13 gəmisini ələ keçirib.
APA xəbər verir ki, bu barədə beynəlxalq missiyanın informasiya komitəsi məlumat yayıb.
“Al Mayadeen” telekanalının komitəyə istinadən yaydığı məlumata görə İsrail hərbçiləri gəmilərə qarşı güc tətbiq edir, qəsdən toqquşmalar aparır, su şırnaqlarından istifadə edir və saxlanılan fəallarla pis rəftar edir.
Qeyd edək ki, daha əvvəl dörd gəminin tutulduğu və 70 fəalın saxlandığı bildirilirdi.
Donanmanın Türkiyə nümayəndəliyi də İsrailin gəmilərə hücumu ilə bağlı yazılı açıqlama verib.
Açıqlamada, ümumilikdə 15 gəminin ələ keçirildiyi, saxlanılan türk fəalların sayının isə 25-ə çatdığı bildirilir.
Ən son xəbərləri və yenilikləri almaq üçün ain.az saytını izləyin.
