Sportinfo.az xəbər verir ki, Qazaxıstan mətbuatı “Qarabağ”ın Çempionlar Liqasındakı ardıcıl qələbələrini ölkəni bu turnirdə təmsil edən “Kayrat”a örnək göstərib.
Totalnı Futbol KZ” “Telegram” kanalında qeyd olunur ki, “Qarabağ”ın ötən gecə göstərdiyi parlaq oyunla “Kayrat”ın “Kopenhagen”lə keçirəcəyi matçın nəticəsi müqayisə ediləcək.
Bildirilir ki, Ağdam təmsilçisinin dünən Bakıda “Kopenhagen” üzərində qazandığı qələbə Qazaxıstan mətbuatında “Kayrat” rəhbərliyinin “biz layiqincə oynadıq, amma uduzduq” kimi açıqlamalarına bəhanə yeri qoymur.
Çempionlar Liqasında Qazaxıstanı təmsil edən “Kayrat” noyabrın 26-da Danimarkanın “Parken” stadionunda “Kopenhagen”lə üz-üzə gələcək.
“Kayrat” 3 gün əvvəl “Real Madrid”ə 0:5 hesabı ilə məğlub olub. Ondan qabaq isə Portuqaliyada “Sportinq”ə yeniliblər - 1:5.
