Ermənistanda məhkəmənin qərarı kilsə və siyasət münasibətlərində böyük səs-küy yaradıb.
Musavat.com xəbər verir ki, Ermənistan Apostol Kilsəsinin Şirak yeparxiyasının rəhbəri, arxiyepiskop Mikael Adjapaxyan məhkəmə tərəfindən 2 il azadlıqdan məhrum edilib. O, hakimiyyətin devrilməsinə açıq çağırışlar etməkdə ittiham olunub.
Prokurorluq əvvəllər 2 il yarım həbs cəzası tələb etsə də, məhkəmə 2 il cəza ilə kifayətlənib. Adjapaxyan iyunun sonunda saxlanılmış və həmin vaxtdan həbsdə idi.
Bu qərar Ermənistan cəmiyyətində kilsənin siyasətə müdaxiləsi və hakimiyyətlə qarşıdurması barədə yeni mübahisələrə səbəb olub.
Musavat.com
