Apa.az saytından verilən məlumata əsasən, ain.az məlumatı açıqlayır.
Azərbaycanda son dövrlər yaşayış evlərinin tikintisinə investisiyalarda artım müşahidə olunur.
“APA-Economics” bu barədə Azərbaycan Mərkəzi Bankının (AMB) 2025-ci ilin birinci yarım ili üzrə “Maliyyə Sabitliyi Hesabatı”na istinadən xəbər verir.
Sənədə əsasən, 2020-ci ilin ilk 6 ayında bu sahəyə 1 milyard 266 milyon manat vəsait yatırılıb. 2021-ci ildə göstərici 1 milyard 185 milyon manata düşüb ki, bu da əvvəlki illə müqayisədə 6,4% azalma deməkdir. 2022-ci ildə sərmayələr 1,3% azalaraq 1 milyard 169 milyon manat olub.
2023-cü ildə əvvəlki illərlə müqayisədə artım qeydə alınıb və sərmayələrin həcmi 1 milyard 234 milyon manat təşkil edib. Bu, 2022-ci illə müqayisədə 5,6% çoxdur. 2024-cü ildə artım daha da sürətlənib və göstərici 1 milyard 743 milyon manata yüksəlib ki, bu da 41,2% artım deməkdir.
2025-ci ilin ilk yarısında sərmayələr 1 milyard 813 milyon manata çatıb. Bu, ötən ilin eyni dövrü ilə müqayisədə təxminən 70 milyon manat və ya 4% çoxdur.
Məlumata görə, investisiyalarda artım həm bazarda yüksək tələblə, həm də dövlət və özəl sektorun həyata keçirdiyi yeni tikinti layihələri ilə bağlıdır.
Ən son xəbərləri və yenilikləri almaq üçün ain.az saytını izləyin.
