Nəzarətsiz şəkildə protein tozlarının qəbulu ciddi sağlamlıq problemlərinə səbəb ola bilər. Bunlara mədə-bağırsaq pozğunluqları və allergik reaksiyalar daxildir.
E-saglam.az xəbər verir ki, bu barədə NEWS.ru-ya danışan məşqçi–nutrisioloq Olqa Yablokova bildirib ki, protein əlavələrindən əsasən peşəkar idmançılar və mütəmadi güc məşqləri ilə məşğul olanlar istifadə etməlidir.
Mütəxəssisin sözlərinə görə, bu əlavələrin bir sıra əks göstərişləri var:
ağır qaraciyər və böyrək xəstəlikləri olanlar,
qarışığın komponentlərinə qarşı allergiyası olan şəxslər proteindən uzaq durmalıdır.
Olqa Yablokova əlavə edib ki, proteinin həddindən artıq istifadəsi nəticəsində qarında köp, ishal və ya qəbizlik kimi mədə-bağırsaq problemləri yarana bilər.
Nutrisioloq vurğulayıb ki, əslində əksər insanlar üçün protein tozları zəruri deyil. Zülalı daha faydalı şəkildə təbii məhsullardan almaq tövsiyə olunur:
ət
quş əti
balıq və dəniz məhsulları
yumurta
paxlalılar
Tərcümə: Nəzrin Abbas
E-saglam.az
