Oktyabrın 4-də Yaponiyada ölkənin hakim Liberal Demokratik Partiyasının (LDP) yeni lideri seçiləcək və o, çox güman ki, ölkənin növbəti baş naziri olacaq.
APA xəbər verir ki, namizəd olan beş siyasətçidən üçünün real qələbə şansı var.
LDP lideri parlamentin bütün üzvlərinin (hazırda parlamentin hər iki palatasının spikerləri istisna olmaqla 295) səsi ilə seçilir.
Hakim LDP sədri postuna namizəd kimi beş siyasətçi qeydə alınıb. Bunlar sabiq iqtisadi təhlükəsizlik naziri, sabiq baş nazir Şinzo Abenin ən yaxın tərəfdarlarından biri olan Sanae Takaiçi, sabiq baş nazir Juniçiro Koizuminin oğlu kənd təsərrüfatı naziri Şinjiro Koizumi, Nazirlər Kabinetinin hazırkı Baş Katibi Yoşimasa Hayaşi, sabiq iqtisadi təhlükəsizlik naziri Takayuki Kobayashi və LDP-nin sabiq baş katibi Toşimitsu Moteqi.
