Türkiyə kino sənayesinin tanınmış simalarından olan Recep Bülbülses dünyasını dəyişib.
Moderator.az bu barədə "Haber Global"a istinadla xəbər verir.
Məlumata görə, uzun müddətdir astma xəstəliyindən əziyyət çəkən aktyor nəfəs darlığı səbəbindən xəstəxanaya yerləşdirilib. Həkimlərin bütün müdaxilələrinə baxmayaraq, onun həyatını xilas etmək mümkün olmayıb. Bülbülses 60 yaşında vəfat edib.
Qeyd edək ki, Recep Bülbülses sənət yoluna 1983-cü ildə çəkildiyi "Kardeşim Benim" filmi ilə başlayıb. Karyerası ərzində 60-dan çox filmdə rol alıb. "Yeşilçam" əfsanələrindən biri olan aktyor kino fəaliyyətində enişlər yaşadıqdan sonra musiqi sahəsinə yönəlmişdi.
