ain.az xəbər verir, Axar.az saytına əsaslanaraq.
Ukraynanın Liman şəhərinin Yampol kəndi ərazisində vəziyyət sabitləşib.
Axar.az xəbər verir ki, bu barədə Ukrayna Silahlı Qüvvələrinin baş komandanı Aleksandr Sırski Teleqram kanalında məlumat verib.
O qeyd edib ki, Ukraynanın Müdafiə Qüvvələri Rusiya təxribat və kəşfiyyat qruplarının qalıqlarını təmizləyir:
"Hərbçilər düşmənin diversiya qruplarının qalıqlarının müəyyən edilərək məhv edilməsi üçün kənddə axtarış əməliyyatları keçirir".
Sırski bildirib ki, Dobropolski istiqamətində düşmən konsentrasiyalarına zərbə vurmaq effektivliyi artır və onların maddi-texniki bazası məhv edilir:
"İşğalçıların son 24 saat ərzində ümumi itkiləri 47 nəfər təşkil edir. Dobropolski istiqamətində əks-hücum əməliyyatı başlayandan ruslar 3520 nəfərə yaxın itki verib, onlardan 1988-i ölüb. Həmçinin, düşmənin 991 silah-sursatı zədələnib, yaxud məhv edilib".
Qeyd edək ki, sentyabr ayında Rusiya kəşfiyyatçıları Yampol kəndinə sızmışdılar.
Sonrakı hadisələr barədə daha çox məlumat almaq üçün ain.az saytını izləyin.
