Məşhur aparıcı Azər Qəribin İtaliya səfəri zamanı başına iş gəlib.
Far.Az xəbər verir ki, bu barədə o, sosial şəbəkədə paylaşım edib.
Turində olan aparıcı orada keçirilən nümayişlər zamanı polisin gözyaşardıcı qazdan istifadə etdiyini bildirib:
"Turində başımıza iş gəlib. Buraya gələndən səhər və axşam nümayişlər keçirilir. Dünən restoranda şam yeməyindən çıxandan sonra başqa bir məkana çay içməyə getmək istədik. Çıxanda gördük ki, gözümüz acışır, burnumuzun içi göynəyir. Bir də gördük ki, camaat üstümüzə gəlir. Sən demə, növbəti nümayişdir.
Gecə saat 11-dir və polis də onları dağıtmağa çalışır. Gözyaşardıcı qaz istifadə ediblər. Evdə pəncərələri bağladıq, kondisioneri yandırdıq. Səhərə kimi qoxu şəhərdən çəkilmədi. Evdən çıxmışam və görürəm ki, qoxu hələ də qalıb".
