Premyer Liqanın 7-ci turunda “Karvan-Yevlax” nominal meydan sahibi qismində “Sabah”ı qəbul edib.
Şamaxı şəhər stadionunda keçirilən qarşılaşmaya azarkeş marağı olduqca az olub.
Yevlaxdan gələn 5-6 nəfər, Şamaxıda yaşayan futbol həvəskarları və qonaqları dəstəkləyən “Soldati di Sabah”ın 20-yə yaxın üzvü tribunada yer alıb.
Ümumilikdə ən yaxşı halda 100 nəfər Premyer Liqa matçını stadionda izləyib.
VİP-lojadakı qonaqların arasında xüsusi qonaq diqqət çəkib.
AFFA-nın vitse-prezidenti Balakişi Qasımov meydanda yaşananlara “Sabah”ın prezidenti və federasiyanın İcraiyyə Komitəsinin üzvü Maqsud Adıgözəlov, eləcə də klubun idman direktoru İqor Ponomaryovla yanaşı əyləşərək baxıb.
HƏBİB / SPORTİNFO.AZ
