İranda uzunmüddətli ictimai mübarizədən sonra hicab qanunu ilə bağlı sərt tədbirlər yumşaldılıb və bundan sonra küçələrdə, ictimai yerlərdə sərbəst geyinmiş qadınlara daha çox rast gəlmək mümkündür.
"Azad İran" "Telegram" kanalı sosial şəbəkələrdə qadınların hicabsız və sərbəst gəzdiyi anları əks etdirən kadrlar yayımlayıb.
Qeyd edək ki, İranın Məsləhət Şurasının üzvü Məhəmmədrza Bahonər açıqlamasında bildirib ki, hicabın məcburi tətbiqinə artıq ehtiyac yoxdur. Onun sözlərinə görə, hicab taxmayan qadınlara nə cərimə, nə hüquqi məhdudiyyət, nə də başqa hər hansı sanksiya tətbiq ediləcək.
