ain.az bildirir, Qaynarinfo saytına əsaslanaraq.
İtaliya ABŞ-ın makaron idxalına tətbiq etdiyi əlavə antidempinq rüsumlarının ləğvi üçün mübarizə aparır. Vaşinqtonun bu qərarı ənənəvi italyan məhsullarının qiymətini demək olar ki, ikiqat artıracaq.
Qaynarinfo "Reuters”ə istinadən xəbər verir ki, ABŞ Ticarət Nazirliyinin araşdırması nəticəsində 91,74 faiz əlavə gömrük rüsumu tətbiq olunub. Araşdırma zamanı iki böyük italyan istehsalçısının 2023-cü ilin iyulundan 2024-cü ilin iyununa qədər məhsullarını "ədalətsiz dərəcədə ucuz qiymətlərlə” (dempinq yolu ilə) satdığı iddia edilib.
Yeni rüsumlar ABŞ-ın hazırda Avropa İttifaqının 27 ölkəsindən idxal olunan əksər məhsullara tətbiq etdiyi 15 faizlik gömrük vergisinə əlavə ediləcək və 2026-cı ilin yanvarından qüvvəyə minəcək.
İtaliya Xarici İşlər Nazirliyinin açıqlamasında bildirilir ki, ABŞ Ticarət Nazirliyinin qərarları beynəlxalq qaydalar çərçivəsində rəsmi şəkildə mübahisələndiriləcək və hökumət İtaliya şirkətlərinə hüquqi müdafiə dəstəyi göstərəcək.
ABŞ, İtaliya üçün makaron ixracatında ilk üç əsas bazardan biridir. İtaliya Statistika Agentliyinin (ISTAT) məlumatına görə, 2024-cü ildə ölkənin ümumi makaron ixracı 4 milyard avronu (təxminən 4,7 milyard dollar) keçib, xaricə 2,5 milyon ton məhsul satılıb.
Makaron məhsulları İtaliyanın kulinariya irsinin əsas hissəsi olmaqla yanaşı, ölkənin mühüm ixracat sektorunu da təşkil edir.
Aydın
Ən son xəbərləri və yenilikləri almaq üçün ain.az saytını izləyin.
