13–15 oktyabr tarixlərində cüdo üzrə U-17 yeniyetmələr arasında Bakı şəhər birinciliyi keçiriləcək.
İdman.biz xəbər verir ki, yarışda 60 klub və idman cəmiyyətindən 566 idmançı (468 oğlan, 98 qız) 16 çəki dərəcəsində medallar uğrunda mübarizə aparacaq.
Yarışın keçirilməsində məqsəd yeniyetmə cüdoçular bazasını formalaşdırmaq və kvotalar əsasında ölkə birinciliyində iştirak edəcək idmançıları müəyyənləşdirməkdir. Paytaxt birinciliyi həmçinin milli komandanın heyətinə seçim üçün vacib reytinq xalları qazandıracaq.
Yarış Abşeron Olimpiya İdman Kompleksində olacaq.
