70-80-ci illlərin “Kiss” rok qrupunun həmtəsisçisi və gitaraçısı Paul Daniel Freyli 74 yaşında dünyasını dəyişib.
Reyting.az xarici mediaya istinadla xəbər verir ki, Ace ləqəbi ilə tanınan Paul Daniel Freylinin ölümü barədə “Variety” saytı məlumat yayıb.
Məşhur sənətkarın ailəsinin bəyanatında deyilir ki, musiqiçinin ölümünə ötən ay studiyada yıxılaraq aldığı xəsarətlər səbəb olub: “Biz tamamilə məhv olduq və ürəyimiz qırıldı. Bu dünyadan köçərkən son anlarında onu sevgi, qayğı, gözəl sözlər, dualar və niyyətlərlə əhatə etmək bizə nəsib oldu”.
V. QULİYEV
