Yeni mövsümdə "Region Liqası"nda çıxış edəcək komadalar sırasında "Göyəzən" də var.
Rekord.az xəbər verir ki, "TuranBank"ın sponsorluqdan imtinasından sönra Qazax təmsilçisinin dağılmaq təhlükəsi olsa da, qazaxlı futbolsevərlər son anda buna imkan vermədi.
Başda baş məşqçi Elxan Muradov olmaqla, bir sıra insanlar tarixi klubu yaşatmağa çalışır. Yeni mövsümdən klubun prezidenti postunu tutacaq Muradov mövcud durumla bağlı bunları dedi: "Heç bir sponsorumuz yoxdur. Dost-tanışın hesabına komandanı ayaqda saxlamağa çalışırıq. Ümid edirik ki, sponsor tapılacaq. Qərar aldım ki, klubun prezidenti postunu özüm icra edim. Baş məşqçi postunu isə Süleyman Məmmədova tapşırdıq. Hədəfimiz "Region Liqası"nda layiqli çıxış etməkdi".
