İsveçrə mərkəzli qida nəhəngi "Nestle" qlobal səviyyədə 16 min işçisini işdən çıxaracağını açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Vevey şəhərində yerləşən şirkət "Nescafe", "KitKat" və "Purina" kimi markaları ilə tanınır.
"Nestle" bu addımın iki il ərzində həyata keçiriləcəyini, bununla yanaşı xərclərə qənaət hədəfinin 3 milyard İsveçrə frankına (təxminən 3,76 milyard dollar) yüksəldiyini bəyan edib.
"Nestle" ötən ay şirkətin baş direktoru Laurent Freixein bir işçisi ilə gizli münasibət yaşaması səbəbilə barəsində istintaq başladıldığını və buna görə vəzifədən uzaqlaşdırıldığını açıqlamışdı.
