BAKI, 18 oktyabr. TELEQRAF
İran xarici işlər naziri Abbas Əraqçi iki ölkə arasında son qanlı sərhəd toqquşmalarından sonra Tehranın Pakistan və Əfqanıstan arasında vasitəçilik etməyə hazır olduğunu iddia edib.
Teleqraf xəbər verir ki, o, bu barədə Əfqanıstan xarici işlər naziri Əmir Xan Müttəqi ilə telefon danışığında bildirib.
Əraqçi Əfqanıstan və Pakistan arasında baş verən son toqquşmalardan “İranın narahatlığı”nı dilə gətirib, təmkin, hərbi əməliyyatların dayandırılması və mübahisələrin dialoq və danışıqlar yolu ilə həllinin vacibliyini vurğulayıb.
O xəbərdarlıq edib ki, iki müsəlman ölkəsi arasında davam edən gərginlik təkcə insan itkilərinə səbəb olmayacaq, həm də bütün regionun sabitliyinə təhlükə yaradacaq.
Abbas Əraqçi həmçinin İranın gərginliyin azaldılmasına və iki qardaş və müsəlman xalq arasında konstruktiv danışıqların aparılmasına kömək etməyə hazır olduğunu iddia edib.
