Bəlkə ev oyunlarını Yevlaxda keçirsək, bu gün 10 xalımız olacaqdı.

"Karvan-Yevlax" Misli premyer-liqasının 8-ci tur matçında "Sumqayıt"ın meydanından məğlub ayrıldı - 1:4.

"Football-plus.az" xəbər verir ki, bölgə təmsilçisinin baş məşqçisi Azər Həşimov oyunsonrası mətbuat konfransında jurnalistlərin suallarını cavabladı.

- Fasiləyə bərabərliklə yollana bilsək də, ikinci hissədə standart vəziyyətlərdən qollar buraxdıq. "Sumqayıt"ı təbrik edirəm.

- Növbəti matçlarda iddialı komandalarla qarşılaşacaqsız. Bu oyunlardan nə gözləyirsiz?
- Asan təmsil olmayacağıq. Yeni yaranmış komandayıq. Mübarizə aparacağıq. Ən yaxşısını etməyə çalışacağıq.

- Asan qollar buraxırsız. Bu nəylə bağlıdı?
- Əksəriyyəti standart vəziyyətlər zamanı vurulur. Bu, futbolçuların keyfiyyətiylə bağlı məqamdı.

- Meydança nə vaxt hazır olacaq? Bu məqamın nəticələrə təsir etdiyinizi düşünürsüzmü?
- Əlbəttə. Bəlkə ev oyunlarını Yevlaxda keçirsək, bu gün 10 xalımız olacaqdı. Meydançanın nə vaxt hazır olacağını bilmirəm. Baş məşqçinin işi fərqlidi.

KƏNAN BAHADIR

• Məğlubiyyət
• Sumqayıt
• Azər Həşimov
• Premer-Liqa
• Karvan-Yevlax