Pentaqon: Son bir ayda bu, Amerika qüvvələrinin yeddinci zərbəsidir...
Poliqon xəbər verir ki, ABŞ müdafiə naziri Pit Hegset 17 oktyabrda Karib dənizində baş vermiş hərbi əməliyyatla bağlı mediaya açıqlama verib. Nazir bildirib ki, ABŞ qüvvələri narkotik maddələr daşıdığı müəyyənləşdirilən bir gəmiyə zərbə endirib. İlkin məlumatlara görə, hücum nəticəsində üç nəfər həlak olub.
CBS News telekanalının məlumatına əsasən, bu, son bir ayda ABŞ ordusunun narkotrafiklə bağlı həyata keçirdiyi yeddinci oxşar zərbədir. Pentaqonun yaydığı açıqlamada bildirilir ki, məhv edilən gəmi Kolumbiya narkokarteli ilə əlaqəli olub, narkotik daşınması üçün tanınan marşrut üzrə hərəkət edib və üzərində “əldəqayırma miqdarda” narkotik maddə daşıyıb.
Pit Hegset qeyd edib ki, zərbə beynəlxalq sularda və ABŞ-ın Cənub Komandanlığının məsuliyyət zonasında endirilib. Nazir daha sonra sosial şəbəkələrdə bildirib: “Biz bu təşkilatlara terrorçular kimi yanaşacağıq, onları ‘Əl-Qaidə’ kimi izləyib məhv edəcəyik”.
ABŞ sentyabr ayından bəri kəşfiyyat məlumatlarına əsaslanaraq narkotik daşınan gəmilərə qarşı əməliyyatlar həyata keçirir. Bununla belə, Senat Pentaqondan bu zərbələrin hüquqi əsaslarını izah etməyi tələb edib. Qanunvericilər prezident Donald Trampın narkokartelləri terror təşkilatı kimi tanıması qərarını yetərli hesab etmir və əməliyyatların hüquqi çərçivəsinin daha aydın şəkildə müəyyənləşdirilməsini istəyirlər.
Poliqon.info
