Ajans.az xəbər verir ki,bu barədə “Metro” nəşri məlumat yayıb. 43 yaşlı müğənni son zamanlar sosial şəbəkələrdə paylaşdığı emosional və sirli mesajlarla diqqət çəkir. O, son paylaşımında məşhur “Malefisenta” filminə istinad edərək "qanadlarını itirdiyini" bildirib: "Belim... bıçaqlarım... qanadlarım... 'Malefisenta' filmini xatırlayın, inanılmaz filmdir. Kral onu öldürmək istədi, amma bir oğlan onun əvəzinə gizlicə qanadlarını aldı. Qanadlar müqəddəs idi, kral onlara sahib ola bilməzdi. Heç kim onların gizli kilsədə gizləndiyini bilmirdi..." Spirs daha sonra əlavə edib ki, onun da "qanadları alınıb" və uzun müddət əvvəl beyin zədəsi alıb. Müğənni həyatda qalmasını "möcüzə" adlandıraraq, bunun üçün şanslı olduğunu bildirib. Xatırladaq ki, Britni Spirs 2008–2021-ci illər arasında atası Ceymi Spirsin nəzarətində konservatorluq rejimində yaşamış, bu müddət ərzində şəxsi və maliyyə qərarlarını özü verə bilməmişdi. O, son illər bu nəzarətin ağır psixoloji təsirləri ilə bağlı müxtəlif açıqlamalar verir.
